Frasi di Ferdinando Russo

Arravugliate, aggliummarute', astrinte, / 'e vvide 'e durmì 'a notte a nu puntone. / Chiove? E che fa! Quanno nun stanno rinte / 'a meglia casa è sott'a nu bancone. // Passa 'o signore, 'e conta a diece, a vinte, / 'e cumpiatesce e lle mena 'o mezzone. / Cierte, cu 'e bracce chiene 'e chiaje finte, / cercanno 'a carità fanno cuppone. // Cu 'e scorze 'e pane e ll'osse da munnezza, / màgnano nzieme 'e cane a buon cumpagne; / na streppa 'e nu fenucchio è n'allerezza. // Uno 'e miezo Palazzo, nu ziracchio, / p'avé nu soldo, ne faceva lagne!... / Nun l'aveva? Allazzava nu pernacchio.

È così! I più grandi uomini, le figure nostre più luminose, non trovarono mai chi si agitasse in loro favore: Francesco de Sanctis e Luigi Settembrini hanno appena due povere teste marmoree in quel giardino pubblico che chiamiamo la Villa; Salvator Rosa, Luca Giordano, Pietro Giannone, Carlo III, nulla; e i monumenti di Napoli sorti da cinquant'anni a questa parte, – salvo qualche rarissima eccezione – rappresentano, nella sciagurata decadenza della Scultura, la Partigianeria, la Politica e l'Intrigo...
Nemmeno le Accademie, delle quali pure il Capasso fu tanta parte, si mossero per onorarlo. Ma si muovono, forse, le Accademie? O non sono, forse, ora più che mai, acque stagnanti, necropoli anticipate, in cui si adagiano e nicchiano, nel severo raccoglimento che è torpore letale, le Mummie dell'Arte, della Letteratura e della Scienza?
Conto fra gli Accademici amici illustri e carissimi, viva minoranza d'intelletti fervidi in quelle Case dei Morti; e mi domando da anni perché non si riuniscono, in una iniziativa che qualcuno già tentò di sviluppare! Or vedremo invece altri marmi, non meno brutti di quelli già esistenti, ingombrare le piazze.

Ecco Linardo in campo! Il Palatino! / 'O Palatino 'e Francia cchiù putente! / Teneva nu cavallo, Vigliantino, / ca se magnava pe' grammegne 'a gente! // Comme veveva, neh! Na votta 'e vino, / na votta sana, 'un le faceva niente! / Nu surzo sulo, nu varrilo chîno!... / E se magnava 'e zeppole vullente! // Po' teneva na spata, Durlindana! / Uh ffiglio 'e Dio, e che poc'ammuina! / Se sape! 'A maniava chella mana! // Na notte, pe' passà da Francia a' Spagna, / chisto Linardo, neh, che te cumbina? / Caccia sta spata e taglia na muntagna!

[...] la Circe ingrata, che pur glorifica tante bestie, lo vide morire molto vecchio e quasi cieco pel troppo attento indugio degli stremati occhi carte: e quasi non s'accorse della dipartita di Lui! ()

Napoli ride int'a 'na luce 'e sole / chiena 'e feneste aperte e d'uocchie nire. (citato in Francisco Protonotari, Nuova antologia, Volumi 473-474, Roma, 1958)

Oi pertusara mia, oi pertusara, / che pertuso m'ê fatto int'a stu core! / Stevo cuntento, e tengo 'a vocca amara, / stevo felice, e moro p delore! / Pertusarèlla mia, pertusarèlla, / quant'è micirianta 'sta manella! / E 'o puntaruolo quant'è malamente! / spertosa troppe core a troppa gente! / Tu si' cchiù d'isso malamente assai, / pecché m'ê spertusato e nun 'o ssai! / Che nce guaragne a essere pungente? / Pertusarè, nun t'aggio fatto niente!

Si duorme o si nun duorme, Bella mia, / siente pe' nu mumento chesta voce! / Chi te vo' bene assai sta mmiezo 'a via / pe' te cantà na canzuncella doce! / Ma stai durmenno e nun te si' scetata!' / Sta fenestella io nun veco arapì... / È nu ricamo, sta mandulinata! / Scètate, Bella mia, nun chiù durmì! // 'Ncielo se so' arrucchiate ciente stelle, / tutte pe' sta' a sentì chesta canzone! / Aggio ntiso parlà li ttre chiù belle, / dicevano: Nce 'a tene 'a passione! / È passione ca nun passa mai! / Passa lu munno, essa nun passarrà! / Tu certo a chesto nun ce penzarrai, / ma tu nasciste pe m'affatturà. (Scètate, Quanno tramonta 'o sole)

So' turnate li Spagnuole, / è fernuta 'a zezzenella; / comme chiàgneno 'e ffigliole / fora 'a via d' 'a Marenella! / 'A Riggina 'e ll'otto juorne / s'è arredotta a ffa' 'a vaiassa; / so' turnate li taluorne, / 'ncopp' 'e frutte torna 'a tassa! // Chella vesta, tuttaquanta / d'oro e argiento arricamata, / ll'ha cagnata sta Rignanta / cu na vesta spetacciata. / 'A curona 'e filigrana / ma ched'è? Curona 'e spine! / 'E zecchine d' 'a cullana / mo nun songo cchiù zecchine! // Li Spagnuole so' turnate / cchiù guappune e preputiente, / e mo' 'a chiammano, 'e suldate, / 'a Riggina d' 'e pezziente! / E lle danno 'a vuttatella, / e lle diceno 'a parola, / e lle tirano 'a vunnella... / Essa chiagne, sola sola. // Pane niro e chianto amaro, / chianto amaro e pane niro / vanno a ccocchia e fanno 'o paro / comm' 'e muonece a Retiro. / Da Palazzo essa è passata / dint' 'o Bbuorgo'e venne ammore; / tene 'a mala annommenata, / ma nu schianto mmiez' 'o core! // Dint' 'o vascio d' 'a scasata / mo nce passa o riggimento; / 'a Furtuna ll'ha lassata / e le scioscia malu viento. / Se facette accussì lota, / morta 'e famma e de fraggiello, / chella llà ch'era na vota / 'a mugliera 'e Masaniello! (A mugliera 'e Masaniello)

– 'A rossa venge! 'A rossa venge! 'A rossa / venge!... A la rossa! A la rossa! Jucate! / Chi vo' puntà na lira?... 'A guaragnate! / E uno!... E ddoie!... E ttre!... Rint'a na mossa! // Guagliù, sfullate!... Peccerì, sfullate! / Nce vulite fa' fa'? Mannaggia ll'ossa / caruliate 'e chi v'ha vattïate!... / 'A rossa venge!... A la rossa! A la rossa!... // Patrïò, vuò jucà?... Meza liretta!... / Guarda! È nu juoco fatto!... E uno!... E duie!... / E uno!... E dduie!... – (Ehilà!... Mo' sì purpetta!) // – ('A rossa è chella 'e miezo!... E chella è 'a vera!) / – Aizate 'a carta!... Jammo belle!... A nuie!... | – Ciò!... Varda, sacrrr...! L'è la carta nera!... (E ttre carte, p. 19)

- Sta vota tengo 'o cinco e 'o trentacinco; / vìnnete ll'uocchie e ghiócate 'o viglietto! / So' ddoie semmane c' 'a carenza 'e cinco / e t'ha da rà pe fforza 'o primm'aletto!'|| Mo' proprio so' ngarrato dint' 'o sinco! / Tengo 'o puorco sicondo, e lurganetto! / O primm'aletto, certo è uttantacinco! / So' nnummere?... So' sciure a rammaglietto! // Uttantacinco, cinco e lavuciello! / Tre rose ncappucciate cu 'a carenza! / E ll'ati dduie v' 'e dongo situate. // Ccà non se pesca dint' 'o panariello, / Addo' 'a furtuna po' tirarse 'a renza! / So' ppunte certe, e songo raggiunate! (O cabalista, p. 20)

Io', quacche vota, quanno sto nfuscato' / e me straporto' a quann'ero guaglione, / me crero ca so' muorto e sutterrato / sott' 'a muntagna 'e chisto Sciatamone'! / Pare n'ato paese! È n'ata cosa! / Tu nce cammine e nun te truove cchiù... / E pure, è certo, era accussì spassosa, / Santa Lucia d' 'a primma giuventù! // Arbanno juorno', dint' 'e vuzze, a mmare, / c'addore 'e scoglie e d'ostreche zucose! / Verive 'e bbancarelle 'e ll'ustricare / cu tutt' 'o bbene 'e Ddio, càrreche e nfose'! / E chelli ttarantelle int' 'a staggione! / Femmene assai cchiù belle 'e chelle 'e mo'! Uocchie 'e velluto, vocche 'e passione, / lazziette d'oro e perne, int' 'e cummò! // Tutt' 'e ccanzone t' 'e ppurtava 'o mare, / p' 'a festa r' 'a Maronna r' 'a Catena, / cu 'a bbona pesca, 'e cuoppe r' 'e renare, / e 'a cantina 'e Cient'anne sempe chiena! / Mò... che ne cacce? Cca s'è fravecato!' / Tutto è prucresso, pe puté arrunzà!' / Si' marenaro? E, quanno 'e faticato, / fai ll'uocchie chine... e 'a rezza nun t' 'o ddà! (p. 23)

Quanta ricorde! Quanta cose belle! / N'arena d'oro e n'abbundanza 'e ciele! / Treglie e merluzze, vive, int' 'e spaselle, / e 'o mare tutto cummigliato 'e vele! / Veneva 'a voce, da li pparanzelle: / "Aonna,' 'o mare! Aonna!..." E li ccannele / s'appicciavano nnanza a li Ssant'Anne, / p' 'a pruvverenzia "ch'è venuta aguanne!'" (p. 27)

Io mo' so' bbiecchio, tengo sittant'anne, / 'a sbentura mm'ha fatto 'o core tuosto, / embè, affruntasse pure ati malanne / pe vedé ancora 'a faccia d' 'o Rre nuosto! / Ferdinando Sicondo!... E che ne sanno?! / Còppola 'nterra! N' 'o ttengo annascuosto! / E nce penzo, e me sento n'ato ttanto! / So' stato muzzo, a buordo 'o Furminanto! // 'O Rre me canusceva e me sapeva! / Cchiù de na vota, (còppola e denocchie!) / m'ha fatto capì chello che vuleva! / E me sàglieno 'e llacreme int' all'uocchie! / 'A mano ncopp' 'a spalla me metteva: / "Tu nun si' pennarulo ' e nun t'arruocchie!' / Va ccà! Va llà! Fa chesto! Arape 'a mano!" / E parlava accussì: napulitano! // Quanno veneva a buordo! Ma che vita! / Trattava a tuttuquante comm'a frato! / Sapeva tutt' 'e nomme: Calamita, / Mucchietiello, Scialone ', 'o Carpecato...' / Èramo gente 'e core! E sempe aunita! / "Murimmo, quann' 'o Rre l'ha cumannato!" / Mo' che nce resta, pe nce sazzià? / Ah!... Me scurdavo 'o mmeglio!... 'A libbertà! (pp. 33-34)

A libbertà! Chesta Mmalora nera / ca nce ha arredutte senza pelle 'ncuolle!... / 'A libbertà!.. 'Sta fàuza puntunera' / ca te fa tanta cìcere e nnammuolle!...' / Po' quanno t'ha spugliato, bonasera! / Sempe 'a varca cammina e 'a fava volle, / e tu, spurpato'comm'a n'uosso 'e cane, / rummane cu na vranca 'e mosche mmane!... // A libbertà! Mannaggia chi v'è nato! / 'A chiammàsteve tanto, ca venette! / Ne songo morte gente! S'è ghiettato / a llave, 'o sango, sott' 'e bbaiunette!... / Mo', vulesse veré risuscitato / a 'o Rre ca n' 'a vuleva e n' 'a vulette! / E isso, ca passai pe ttraritore, / se ne facesse resatune 'e core! (p. 35)

Chest'è, quann' 'a Furtuna è na zuzzosa!' / Si tu 'o rilorgio 'o guaste int' 'o cungegno, / hai voglia 'e l'accuncià, ca nun è cosa! / E accussì fui! Muort'isso, muorto 'o Regno! / 'A strata se facette ntruppecosa,' / Calibbarde aspettava e avette 'o segno; / cade Gaeta, doppo quatto mise, / e nui... natàimo' ttutte int' 'e turnise!' // Ah! Ah! Me vene a ridere, me vene! / Ogneruno sperava 'avè na Zecca, / tanta renare quanto so' ll'arene, / 'a gallenella janca, 'a Lecca e 'a Mecca!' / Faciteme 'e berè, sti ppanze chiene! / Seh, seh!' Quanno se ngrassa 'a ficusecca'! / Comme scialammo bello, dint'a st'oro! / Sciù pe la faccia vosta! A vuie e a lloro! // Ccà stammo tuttuquante int' 'o spitale! / Tenimmo tutte 'a stessa malatia! / Simmo rummase tutte mmiezo 'e scale, / fora 'a lucanna' d' 'a Pezzentaria! / Che me vuò di'? Ca simmo libberale? / E addò l'appuoie, sta sbafantaria?' / Quanno figlieto chiagne e vo' magná, / cerca int' 'a sacca... e dalle 'a libbertà! (pp. 81-82)

– Neh! Signò!... C'ora so'? C'ora tenite? / – Nun 'o porto... Nun aggio che ve fa... / – Faciteme verè... Va be'! Sentite... / Mo' si sit'ommo, m' 'ite 'a fa fumà. // – Ma... – Votta lloco, me'! Nun v'avvelite... / è n'arta comm'a n'ata, e v' 'ite 'a sta!' / – Ma... Ma, insomma, ve dico... che vulite? / – Appila!' Statte zitto e n'alluccà!' // Bello! Accussì! T'è scesa 'a lengua nganna? / Niente. Nu rito d'acqua turriacale...' / Nun c'è che fa! Dio accussì ta manna...' // E... che facite mo'? Ve retirate? / Attiento a vuie quanno saglite 'e scale... / Santanotte, signò... Nun v'avutate.' (Mariuole 'e notte, p. 42)

Luna luna mmiez' 'o mare, / quanta cosa fai penzà! / Fatta apposta pe ncantare, / tuttuquante fai ncantà! // Quanno 'a notte 'e marenare / dinto 'e vvarche pe piscà / stanno a tiempo pe vucare, / tu t'affacce a ssalutà. // Cuntentona, janca janca, / tu cammine e te nne ride: / quanno mai te siente stanca? // Passe e guarde, guarde e passe... / Che nne dice, tu ca vide / sti taluorne, sti scunquasse? (Luna, p. 49)

Cchiù spisso era na mamma, ca purtava, / |dint' 'o sciallo, quaccosa arravugliata': / na criatura.' E doppo na guardata / sott' uocchio, dint' 'a rota ll'apusava. // Zitto zitto sta rota s'avutava, / e 'a mappatella' già s' era squagliata': / e chella mamma, povera scasata,'| c' 'a capa sotto' se ne riturnava. // Doppo nu poco ca se n' era juta, / spianno attuorno nne spuntava n' ata, / comm' 'a primma, int' 'o sciallo annascunnuta... // Notte e ghiuorno se jeva e se turnava; / e chella rota se fosse stracquata!'| Vutava sempe... vutava... vutava... (A rota 'a Nunziata, p. 62)

Sciore 'e l' ammore mio ca mai nun more, / fuoco c’ avvampa, e nun se stuta mai! // Guarda stu cielo! Stammatina l' aria / pare c'ha dato appuntamento a 'o sole / pe se fa dì chi sa qua' cose tennere! / Pe lle scippà va trova qua' parole! // E 'o sole pare ca le vò risponnere / tre parulelle, belle tutt' 'e tre: / « Te voglio bene! » Sciure 'e dint' all' anema, / dette comm'io t' 'e sto dicenno a te! // Stienne sti bracce! E mmiezo a sta letizia / stringeme ’npietto, forte forte, ancora! / Damme ’a vucchella! Ncopp’ all’uocchie vàseme! / Famme campà cient’anne dint’ a n’ ora! (da Nuvena d'ammore, p. 83)

(I) Vocca, ca ciento e ciento vote all' ora / aggio vasata, e nun me stanco mai, / vocca, ca tanto bene e male fai / a chisto core / affatturato' 'a te; // vocca cchiù bella 'e na jurnata 'aprile / e cchiù addurosa 'e na campagna 'e rose, / àprete sempe pe me di' doi cose: / ca me vuò bene e m' 'o vuò fa sapè! (II) Vocca, ca ride comme ride 'o sole / e si’ cchiù fresca ’e ll’ aria d’ ’a matina, / e c' ’o sapore doce d’ ’a curvina' / me puorte ’addore ca me fa sperì; // vucchella mia, ca quanno vase accide / pecchè nu vaso tuio murì po’ fare, / tu, sapurita comm’ ’e frutte ’e mare, / pigliate 'a vita ca te do’ accussì! (III) Vocca, ca pare n' uocchio ca me guarda / quann' io te canto chist' ammore mio: / vocca, guardata mmocca pe gulìo,' / buttone' 'e rosa 'e copp' a nu buchè; // vocca d'ammore tutt'appassiunata / ca quanno vase si' na lampa 'e fuoco, / torna a vasarme, sulo n'ato ppoco, / quanto m' abbasta pe murì pe tte! (Vucchella mia..., pp. 87-88)

L'ata matina songo juta a messa / a chella cchiesia abbascio 'a Porta 'e Massa; / aggio ntuppata'a na Matre e Batessa / ca s'è vutata e ha ditto: — 'I che se passa!' / L' aggio arrispuosto: — Matre, io vaco 'e pressa!' / Chi tene 'a stizza, se facesse 'a rassa!' / Vi' c' arraggiosa!' Vuò fa na scummessa, / ca pe nu ntuppo' l'aggia pavà 'a tassa? // Aiere ncontro n'ata vota 'a stessa! / Cu na cunverza se ne jeva a spasso. / L'aggio ditto: — Bonnì, Matre e Batessa, / vui cammenate e n'apparate 'e passo?' / E m'ha rispuosto: — Quanto si' sberressa! / Matre 'e Badessa e bona, io mo' te ngrasso!' / E io, da copp' 'a mana': — Ebbiva a essa! / Vi' comm' 'a venne, 'a robba c' 'o ribasso! (Ariette antiche, I, p. 123)

Vuò rà a magnà a muglièreta? 'O pesone' ! / ’o vuò pavà?... T’ ’o vuò fa, nu bicchiere? / Accatta ll’ uoglio, acconcia ’o capezzone, / comme se campa? Mamma Bella ’o vvére ! // Mo’ nce hanno mise ’e tramme. Hai raggione ! / Nce l’ ’e fatto allicchetto', ’o pïacere ! / Sia beneretta ’a Custituzzione ! / Mannaggia Calibardo e chi nce crere ! // Po’ rice ’a ggente : So’ cucchiere ’affitto! / Po’ rice ca che ssà, nui rusecammo... / E se sape! Comm’ è?!... Te stive zitto? // Neh ma che vonno?... Ca ’e rringrazziammno? / Ah!... Jammo bello, jà!' Zupp’ ’e zuffritto! ' / Ma... pe ssapè, signò... Quann’ arrivammo? (da Carruzzelle 'e notte, p. 373)

Sole ca trase e jiesce pe li ciele, / guarda nu poco pe sti ccancellate ! / Tenimmo 'o core ch' è nu piezzo 'e fiele! / Povera gente! Simmo 'e carcerate! // Nui simmo tanta varche senza vele, / mmiezo a nu mare 'e guaie abbandunate; / nce cunzumammo peggio d' 'e ccannele, / cuntammo ll' ore e stammo ncatenate! // LAvummaria nosta è na jastemma, / 'a speranza è nu suonno 'e nu cecato; / penzanno sulo 'a Libbertà se tremma! // Ricurdànnoce 'e te, passammo ll'ore... / Sole, speranza d'ogne disperato, / quanto te costa, nu poco 'e calore?! / (Canzona 'e carcerate, a Emma Grammatica, I, p. 374)

Quann’ ’a sera, ’o puntone ’a Sellaria / s’ appiccia ’o lume dint’ all’ ugliarara, / chillo bancone me fa asci ’npazzia ! / ’A princepala ! Ma che cosa rara ! // ’O marito è nu piezzo 'artigliaria ! / Nu piezzo, ca si sulo ’o guarde, spara! / Ma essa !... È na muntagna ’e simpatia! // Se tira ’a gente appriesso cu ’a vurpara! // Mmiezo a chell’ oro de chell’ uoglio fino, / chill’ uocchie gruosse, nire, spercia-core', / rideno. ’O figlio le s’addorme nzino... // Essa s’ ’o cunnulèa' cuntanno cunte, / e fa, cu na vucella ca lle more: / «Suonno, suonno, ca viene da li munte...» (L'ugliarara, p. 392)

— Se ne parlava tanto ’e chist’Otello !... / Embè, vedite : ’o so’ ghiuto a sentì...! / — Ah !... Va dicenno, va dicenno ! E bello ? / — ! State frische ! E che ve pozzo di’ ?! // Esce nu schiavo ! Va senza cappiello, / vestuto russo, ciert’ uocchie accussì... / Sbarèa', pecchè ? pe nu fazzulettiello! / Sultanto chesto m’ ha fatto capì ! // Io steva ’a coppa.' E pe sta luntananza / nun aggio fatto na tirata ’e mente!' / E pure pecchè llà nce vò crianza! / Si no alluccavo : — Ma te stai cujete !!...' / Tu, pe na pezza ammalle' a tanta gente? / Tiene ’o catarro ? E sciòsciate cu 'e ddete! (L'Otello, p. 393)

– 'A rossa venge! 'A rossa venge! 'A rossa | venge!... A la rossa! A la rossa! Jucate! / Chi vo' puntà na lira?...

Mo’ vene Pasca!... Limungella fresca! / Aggio penzato ca vogl' 'ì a fà Pasca / addu Catarenella int' ’a Ruchesca! / Tras’ int’ ’o palazziello e faccio ’o fisco! // ’A ronna ca nun pava, io n’ ’a capisco! / L’ ommo fiura e ’a nnamurata allasca!' / E se sape! Cher' è, mo’ vene Pasca, / e pozzo appiccià ’o ffuoco senza ll’ esca? // Llà quacche cosa pure me l’ abbusco! / Na fumatella int’ ’a na pippa lasca, / ’o casatiello, ’o miezo litro nfrisco, / na cinco-lire e nu poco ’e ventresca! // Catarenella, ’a quanno c’ ’a canosco, / sempe e songh’ io, m’ aiza ’a frasca! / Embè, quanno so’ stato a San Francisco', / n’ aggio sempe sparato ’o meglio masco? // ’O capo-guardiano ’on Peppe Fusco, / chillo bell’ ommo cu ttanto na mosca, / quann' io passavo, me faceva ’a rasca! / Quant’ era scemo! e quant’ ’o cumpatisco! (O bello guaglione, p. 404)

E le amanti?
Non è possibile descrivere gli enormi sforzi di queste vili femmine, così legate ai loro vampiri; gli entusiasmi di queste megere, che talvolta commettono cinicamente anche un delitto per giovare loro, per accontentarli in ogni più piccolo desiderio.
Più un uomo le strapazza e le batte più pensano esser questo l'effetto naturale dell'amore, e non comprendono la tenerezza che in questo solo modo. Non son sicure del bene dei loro amanti se non quando costoro lo dimostrano in una forma tutta speciale, a furia di randellate o di colpi di rasoio.
– Ciccillo me vo' nu bene pazzo, diceva una di esse a un'amica; me vatte sempe!
Per esse, l'uomo che non batte l'amante è uno sciocco, un predestinato al tradimento. (da Le donne dei camorristi, (21/22 gennaio 1987), pp. 9-10)

Ho la disgrazia di contare tra i miei redattori un anarchico spaventoso... Ferdinando Russo, poeta a tempo perso, ma di mestiere propriamente cospiratore [...], si era sin qui nascosto sotto le spoglie di un innocuo vate piedigrottesco...