Virgilio Giotti

I veci che 'speta la morte. // I la 'speta sentai su le porte / de le cesete svode d'i paesi; / davanti, sui mureti, / co' fra i labri la pipa. / E par ch'i vardi el fumo, / par ch'i fissi el ziel bianco inuvolado / col sol che va e che vien, / ch'i vardi in giro le campagne e, soto, / i copi e le stradete del paese. (da I veci che 'speta la morte, p. 35)

In 'sto canton ghe xe odor de sambuco: / l'odor de quando che iero putel. / Ne l'orto nostro, in suso, / tanto lontan da casa, iera un bosco: / un bosco de sambuco. / Tre àlbori, che in màgio, in mezo el verde, / i 'verzeva quei grandi / e larghi fiori bianchi. (da El sambuco, p. 47)

Un pocheto te 'speti, / se anca xe la to ora, / ti, inverno. La foiuzza / rossa la xe ancora, // come 'na bandiereta, / che la trema al siroco, / e el ziel fa e disfa in pase / i su' colori. Un poco, // sì, ancora 'speta, inverno: / làssine gòder quieti / 'st'ultimo bel, fa ancora / contenti i povareti. (Siroco, p. 177)